E:\News Letters\Tongsan\2011\Se

ZOMI Thukizakna
Lom 6, Hawm 33
4 September 2011 (Sun)
Estd-2006
Tongsan Office
No 3, Thazin 4
Bogyoke Rd., Kalaymyo
Tel: 073-21871; 21849
Email: [email protected]
To,
Motto: "ki-itna, lungkituakna, ngaihsutna kibang ..." Philip 2:2
MUHZIA
Tongsan sim Zomi a kuamahpeuh tungah Topa in cidam ludamna
hong pia ta hen ci in deihsakna thu kong puak masa hi.
Tukal laisimte tungahTongsan pan gennop thupi khat kong nei
hi. Tua in bang thu hiam i cihleh tulai a i gam vaihawmna tawh kisai hi.
Tulai a i gam vaihawm pawl tawh kisai in mi tampi takin galkap
kumpite mah hi, a kilamdangna bang mah omkei, a kikhelna zong
khat zong theikhang ci hi. Tua bang acite genna enleng zong a manna
ciang khat mah om hi. Nidang bang mahin i nuntakna hamsa veve
in, sumnu sumpa lawhin singdang zuanin i kuankhiakhia lai hi.
Democracy kumpi ci a Zomi Kipawlna tuamtuam kiphuankhuan,
naingnganye thusuakta taka gen khuan, Zolai sinkhuan, biakinnte
phalna lak kullo a lam ziahziah khuan, crusade le cialpite phalna
kullo a bawl ziahziahkhuan cih bangte i ngah le ngahloh kithei nailo
tawh kibang hi. Tua ahih manin democracy kumpi hi kei, a ci i om
zongin khial uh tehcihtheihna ompahnai lo phot hi.
A langkhat lamah democracy ngahta hang ei, ci a agen tampi
om leuleu hi. Tua bangte in agen uh ciangin party phuat khuan zong
omta a Zomi sungah zong CNP, CPP cih bang zong neita hilo i hiam?
ci uhi. Gam vaihawmna innpi parliament bang nei-in tua bek thamlo
in Chin State in bang state kumpi le innpi bang kinei ta in, i khantoh
nang zong makaite’n a vaihawm ta vevua ci uhi. Zolai zong state
kumpi in hong vaihawm toto leh kisin hak nawnlo ding hi a ci bang
zong om hi. I gentheih haksatnate zong a beitheih nangin Naypyidaw
ah President U Thein Sein mahmah makaihin kikupna zong omom
ta hi cita leuleu uhi. Kibawlsiatnate zong mipi palaite’n hong gen
saksak ding uha asawt loin hong bei ding hi ci in mi tampi in gen
uhi. Tuabangte zong amau muhna ahih manin vathalsel theih om lo
leuleu hi. 2010 ma a omlo thu le la tampi kiza ahih manin tua bang
thu agente zong khial uh teh man uh teh vacih lianluan theihpah lo hi.
Atunga thunihte tawh kisai pen muhdan kibanglo nam nih hong
suak phot ahih manin mipite i lung mangloh ding kisam hi. Tongsan
pan mipite kong hanthawn nopna ah kuakua in bangbang gen taseleh
alangnihte gen pen athu sangin ataktakah koi manzaw dikzaw hiam?
cih vilmasa phota tua khit ciang bek a khensatna bawl pan leng
pilvanghuai penpen ding hi cih Tongsan pan i kipulak hi.
By: Pu Zo Khup
+ Gospel team te : Sia Tual Do (Agape Community Service)
makaihna tawh Tahan Zomi Baptist Church ah Agut. 28, 2011
ni in + Gospel teamte'n thugenna va nei thei uh a, Pawlpi in Ks.
50,000/- a piak banah WF ten antang khutpham ip khat zong
pia lai cih thu kiza hi. (TSR)
4.
5.
6.
7.
8.
9.
Khampat ah + Self Help Group khat kibehlap : Sia Tual
Do makaihna tawh Khampat ah + Self Help Group khat
adinzawh nading a hattawt den pen Sept. 1, 2011 ni in + Self
Help Group Committee khat kiding zo taktak ta a, Committee
makaipa in "hih hangin damlo tampi takte le tagah tampi takte
in noptuam lawh mahmah ding" ci in lungdamkohna nei hi.
Hih sunga sum bei pai bei khempeuh Karuna Myanmar Social
Service - Kalay in inntek panin huh cih thu kiza hi. (TSR)
Kiallap Zato kihon ding : Itna, veina le lainatna tawh a
khawnkhong kihong zato pen Sept. 5-7, 2011 ni 8:00-3:00 pm
sung Bethel Zomi Baptist Church ah kihong ding hi.
Siavan te' lutthei hunDr. Zam Go Niang 1:00-3:00pm
Sept. 5/7, 2011
Dr. Cin Hen Thang 8:00-11:00am
Sept. 5-7, 2011
Dr. Go Zam Thang 1:00-3:00 pm
Sept. 6, 2011
Dr. Gin Sian Muang le Sm.te om thei suak ding hi. Pawlpi,
minam deidan om loin a kuama peuh kilak thei hi. (SK Gin Khan
Pau, Church Secretary, Bethel)
Bawlung kidemna om ding : Burma's Football Selected lui
Pa Lam Za Cin (a) Pa Hang Za Cin phawkna a nutsiat lai
innkuanpihte' vaihawmna tawh bawlung kidemna pawi Sept.
1-3, 2011 sung Zogam Tedimgam huam, Thuklai khua ah team
10 tawh kidemna bawl ding hi.(Ngopi)
ZIOK khawmpi le kitelna lawhcing : Zomi Innkuan
Oklahoma (ZIOK), USA in 2011 Kumcin Khawmpi le 2011-2012
kumkhat sung ZIOK makai kitelthakna pen abeisa Aug. 27, 2011
ni in nei uh a, a nuaia mite in telngah cih kiza hi.
ZIOK Board of Directors 2011~2012
1. Rev. Pau Khan Mung
: Chairman
2. Lia Ning Sian Lun Mang
: Secretary
3. Pa Cin Sian Mang
: Treasurer
Rev. Dr. Kham Khan Khai
:
Maj. Thang Lian Thawng (Rtd.):
Pa Sawm Nang
:
Pa Nang Zam Cin
:
Pa Vung Lian Mang
:
Pa Thang Suan Gin
:
Member
Member
Member
Member
Member
Member
Mai 2012 kumah Zomi Innkuan USA (ZIUSA) Khawmpi pen
ZIOK innkuan in inntek semin zin vekpi 1000 kim lengla do
ding uhi. Tua laiah Zomi Concert, Zomi Idol USA, Zo Lia & Zo
Taang melhoih kidemna, Bawlung kidemna, Tennis kimawlna
cihte kinei ding cih thu kiza hi. (TSR)
ZIS pan Mencim huhnate TRLC in hawm ding : Tedim
gam mencim huhna ZIS-te hong puak hawm nading tawh kisai
in August 25, 2011 ni-in Myoma EBC Hall ah Tedim Religious
Leaders’ Council min tawh biakna makaite, NGO makaite, Tedim
Town Elders-te le makai tuamtuam pawlkhat ahi theiteng pai
khawmin kamkupna le thungetna kinei hi. (Rev. Thang Van Lian)
New York ah Gospel pai : August, 25-29 sung teng in Utica
- New York a om Mikang pawlpi lian mahmah khat a hi
Redeemer Church te sapna tawh Dr. Chin Do Kham in a tenna
Tulsa khuapi panin Gospel pai in zin cih thu kiza hi Tua sunga
a thugen a thulu a hihleh GOD’S PERSON GOD’S PROCESS,
BECOMING A HEALTHY, MATURE & FRUITFUL
CHRISTIAN cih thulu hi a, mipi in zaknop sa in daikhipkhep
bek uhi. (Pa Sawm Lian, Buffalo, New York)
TCSA khawmpi nei ding : Tedim Chin Students Association
(TCSA) Headquater makaihna tawh a 55 veina TCSA khawmpi
(General Conference) pen August 30-31, 2011 sung Tedim Chin
Cultural Club Hall, Lanva khua ah nei ding cih thu kiza hi.
(Zogam.com)
Kumkhat cinna pawi kibawl : India, Manipur State sunga
om Zomite in Zomi Khangno Kipawlna (Zomi Youth Association-ZYA) pen khuapi tuamtuam ah ZYA zumkhen (ZYA
branch) phuankhia kawikawi uh a, August 30, 2011 ni’n Singngat
Zomi Youth Association (ZYA) zong Kumkhat cinna
lungdamkohna pawipi thupitak bawl cih
thu kiza hi. (Tongsan tanute)
US gam khualzinna : Sia Pau Khan Khai
in US sungah khualzinna August 24 pan
Nov 22, 2011 sung khua pawlpi 19 te ah
khualzinna maban nei hi cih thu kiza hi.
Sept 14, 2011 ni ciangin Cope T’opa pawlpi
ah hun zang dingin kisam hi cih thu kiza
hi. (TSR)
Pyi-Chit-Ta Mawtaw : Kawlpi pan
Tuithang - Tungzang ciang Gunlei pan van
kitei in Augt. 22, 2011 ni in line kipan kik
ta hi. (Pa Cin, Gatemuu)
Innkang ah unau 2 kanglum : Lamka
ah July 31, 2011 nitak 7:30 pawlin
Tuibuang khosak Pa Zam Khua Liante’ inn
mei in kanga hih inn sungah a om Pa Zam
Khua Lian tanu khat le ta pasal khat
kanglum hi. Hih meikat kipatna pen
khuaimei pan hi dingin kiummawh hi.
(Zogam.com)
Kawlgam GSM phone line : Kawlgam
GSM mobile khantoh nading Project kum
masa sungin 4 Million thuah nading tawh
kisai in August 26, 2011 ni in Myanmar
Post and Telcomteleh Company 11 kipawl
in lungkim suaikaihna nei thei uhi ci in
Project Manager U Thein Oo in gen hi. Tua
Project pen kum 5 sungin man dinga GSM
Moble line 30 Million kithuahsawm hi.
Kum masa kumin 4 Million kithuah dinga,
kumkik ciang 5 Million cih bangin khanto
ding hi. Kum masa project pen July, 2011
in kipankhin a Zogam adingin line 12320
le Sagaing Division adingin line 400,842
kizom hi. CDMA-800 mobile le CDMA-450
mobile te zong 100,000 ta kithuah ding hi.
Tuamoble phone line te a kiman theithei
in zuak dingin khensat hi mah taleh aman
ding kiciangtan nailo hi. Leitungbup ah
GSM system a zang gam 239, line 4,970
Million le CDMA system 121, line 561 Million om hi. GSM le CDMA a zangkhawm
gam 46 om hi. (MNL)
Party thak : Gambup kitelna Commission in Augt. 23, 2011 ni-in Party a siau U
Thein Nyunt le mi 20 te in New National
Democracy Party ding theihnang phalna
kipia ta hi ci in Commissioin in tangko hi.
(MNL)
UDEte laivuan ta ding : 2011 laisim
kum University Destance Education (UDE)
sangkahte in Scientist Major pawl in Oct.
4-11, 2011 sung, Bachalarte in Oct. 23Nov. 3, 2011 sung, Economy lam pawlte
in Nov. 21-28, 2011 sung laivuanna nei
ding cih uhi. Yangon le Mandalay UDE
sangte ah kicing takin kidawp thei hi.
(MNL)
Russiate’n Vietnamte gal Tembaw
pia: Vietnam in Russia bawl gal Tembaw
2 pen nung August 23, 2011 ni-in sang ta
hi, ci’n Vietnam gam thukizakna in puak
a tulaitak Sen Tuipi khanglam a tuikulhte
tung tangah ki-etcikna a kigak mahmah
laitak hun tawh kituak gige hi.
Gepardnama hoih (asent) sang mahmah
hih gal tembaw pen Vietnam gam lai lam
Cam Ranh tui galkapphual ah a tung ahi
hi. (Tongsan tanute)
Nigeria gam UN zumpi ah bomb
puakkhak : Nigeria khuapi Abuja a om
UN building ah August 26, 2011 ni-in
bomb khauh mahmah khat puakkhamin
a tawmpen mi 18 si hi ci-in Press TV in
gen hi. Tua bomb puakkhapzia pen Abuja
khuapi US Embassy gei a om UN building
kiangah bomb apua mawtaw khat pai in
a mai a tun ciangin kipuakkham sak ahi
hi. (Tongsan tanute)
Tripoli Zato sungah misiluang dim:
Libya khuapi Tripoli khuapi nawl lam Abu
Salim district sunga om zato khatah August 26, 2011 (Friday) ni-in a muat ding
kithawi misiluang 200 val kimuh cih thu
kigen hi. Tua bangin Zato sungah siluang
200 val a omkawm kalah a silo mi 7 kimu
ci hi. Tua a hinglaite sungah kum 10 gual
naupangno khat zong kihelin a pa genna
ah, “ tua naupang a nung pan thau in kha
in, (a pa)a mahmah zong zato huang
sungah nipi khat sung bang tang zo loin
mun khatah lumcip hi ci-in gen hi. (Int)
Japan PM thakkitel ta : Japan gamah
Prime Minister kitelna pen August 29, 2011
(Monday) ni-in kinei a, a gualzo Democratic Party of Japan (DPJ) makaipi
kitelna a nihveina ah Finance Minister
Yoshihiko Noda in zo ahih manin Japan
PM thak a suah nading dinmunah om ta
hi. Mr. Noda pen tuma kumnih lai in
Aanangah DPJ party hun sung a thum
veina PM le tuma kum nga sung a guk
veina PM suakta ding cih thu kiza hi. August 30, 2011 (Tue) ni ciang Hluttaw ah
PM ding kipsakna bawl ding uhi. (Xinhua)
Gaddafi le a pawlte Algeria gamah
taikhia kici : Libyan National Transitional Council (NTC) makaipi Mr. Abdel
Jalil in a kisuankhia Col. Muammar
Gaddafi tawh nasemkhawm mite thukhen
zumah dik takin thu kisit ding hi ci-in August 28, 2011 (Saturday) ni-in gen hi. NTC
makaipi Mr. AbdelJalil in News Conference ah a genna ah Col. M. Gaddafi le a
tate koi-ah om cih thu khat zong kiza nai
lo hi ci hi. (Xinhua)
Obama' Pano kiman : US President,
Barack Obama’ paneu Zukham kawma
motor a hawl manin American gamah
kimana thukhun palsat ahih manin sum
liausak ding cih White House pana
ngaihsutna hang tawh August 31, 2011 ni
dong awk lai hi. Onyango Obama pen
Kenya gam mi hi in President Obama pa
tawh unau ahi uhi. (Internet)
Kimawl siam Droppa : Augt. 27, 2011
ni in Chelsea le Nawazish clubte kimawlna
ah Droppa le Nawazish kung pangpa
kisukkhialhna hangin Droppa minutes 7
sung bang sibup hi. Zato kipuak paha a
khuak lam sukha in zato pan tuak kik pah
hi. Ahih hang bawlung kimawl thei nailo
dinga tawl a ngak phot hi ci in Chelsea club
in tangko hi. (MNL)
Ngaihsutna khuak kibawlta : America
gam, IBM Computer Company in khuak
tawh kibang "kibawl tawm khuak" kibawl
theita hi ci in Augt. 18, 2011 ni in tangko
hi. Hih kibawl tawm khuak a pian theih
nadingin US$ awn 41 bei in mipil misiam
100 te in kum 6 sung hanciamin bawl uhi.
(Good Health)
Lungdam kohna : Zogam, Tonzang gam
huam Suanghoih khuami Pa Thang Za Tai
leh Nu Nian Khua Lian Cingte tapa Tg.
Pum Tul Tuang (a) Tg. Pa Tuang, Tulsa,
USA in Minam le Zolai itna tawh tutung
Tongsan laihawm ding panpihna Ks.
40,000 hong piakhia ahih manin, Tongsan
pan lungdamna lianpi kiciamteh hi. Tg. Pa
Tuang le innkuanpihte khempeuh tungah
Topa'n a zahtampi tawh thupha hong
piaksak hen.
Dahpihna :
(1)
Zogam, Tonzang gam huam
Kansau khuami Kawlpi, Pinlong (9) sung
a teng Rev. Tuan Gin it mahmah a zi Nu
Cing Za Man (Kum 71) August 29, 2011
(Sun) ni-in Agape Zato, Kawlpi pan hong
nusia hi. A nusiat innkuan pihte le a dah
akapte tawh kibangin Tongsan pan
dahpihna i pualak hi.
(2)
Zogam, Tedimgam huam Pu Tung
Sing le Pi Niang Khoi Phunom khuami Pa
Kham Do Thawng (a) Saw Than (Kum
59) Haunungbeh, Nu Ciang Luan Thang i
a pasal in August 16, 2011 ni-in Bangkok,
Thailand pan hong nusia ahih manin
Tongsan pan dahpihna i pulak hi.
(3)
Zogam, Tedimgam huam Keizang
khuami Siapi Son Mung Mang (LLB., BEd), Buansingbeh in August 31, 2011 ni-in
Kawlpi zato pan hongnusia ahih manin a
nutsiat innkuanpih te le a dah a kapa te
tawh kibangin Tongsan pan dahpihna i
puak hi.
Man ol takin kizuak : Ibanez Electric
Guitar - Ks. 250,000/-, Effects AX5G
Modeling Signal Procesor (Tone works
KORG) – Ks. 150,000/- in kizuak ding hi.
Alunglutte in AGS, ZBCM zum, Ph: 0947072901 ah hong dawp un.
Na vok ek hiing, na ak ek uih te na diik
nopleh na veng ten na hawh zel ve!
By : Veng Committee
<Limited Circulation>
Note: Asunga thute endik pawl ngaihsutna bang hikhinlo hi.